許雅婷妓驚四座 血染花街
演而優則導的吳家麗找來許雅婷（Kabby）在新片演性工作者，電影題材集懸疑、驚慄於一身，但拍攝場景未有把Kabby嚇倒，反而令她愛上血腥。
許雅婷在金馬影后吳家麗主演兼執導的新片《花街柳巷》中演性工作者，Kabby坦言是新挑戰，看過劇本已覺得有發揮機會，加上導演給她很大信心，故拍攝時很順利。Kabby說：「今次內心戲比較多，拍攝前已看過同類電影偷師，加上家麗姐嘅悉心教導，我好快就入戲。」
愛上血腥
電影懸疑又驚慄，面對恐怖場景，Kabby謂：「第一日入劇組，面對恐怖環境同道具，反而好似愛上血腥，有時發覺日日對住啲血好正，見唔到有啲唔慣。」
吳家麗同對血腥情有獨鍾：「拍嗰時覺得好靚，我好鍾意血。有時見到啲血我仲嫌唔夠多，要工作人員添啲。」場景逼真令吳家麗更投入，其中一場戲她被嚇得大叫，停機後心情仍未平復繼續痛哭，她說：「當時呼吸唔到，好似窒息，好投入。」
顛覆形象
對於Kabby的演出，吳家麗大讚說：「好多場佢都做得好好，佢今次有另一面畀觀眾睇，佢外形係開心、簡單又青春。電影中我將佢成個人扭轉咗，畀觀眾睇到佢另一面。」
文：影視組
化妝：Kae Li
服裝：Amelie Street
場地：E Max