梅媽冇屋住瞓高院

梅艷芳母親覃美金（梅媽）因欠租半年，前日被業主、其代表律師及執達主任上門收樓，梅媽激動地兼血壓飆升要送院，留院的梅媽昨日表示做了腦部磁力共振：「尋晚食藥都止唔到頭暈，所以照吓個腦。（搵到新樓搬？）不停搵，但冇人敢租畀我呢，驚我唔交租。」並聲稱阿梅生前成立的信託基金內仍有層物業，打算入稟法院問匯豐要回暫住，又說如果冇屋住決定在高等法院瞓街：「最多買帳篷喺度瞓。」而大哥梅啟明全程傍住梅媽，問他為何不搵嘢做？他說：「邊度請？你請我？我跟你做嘢囉！」