B女留院入NICU Yumiko：情況OK

據知B女因肺功能麻麻而接駁上血氧測量感應器，所以要漏夜轉入公家醫院。新任爸爸Andy為B女和愛妻Yumiko要「兩頭撲」，昨晚近七時面露倦容的Andy再被本報拍得獨自離開東區醫院，問到B女情況？Andy邊行邊答：「冇乜特別，情況OK嘅！（太太呢？）喺醫院囉，依家過去陪佢。」半小時後Andy駕車往港安，手上拿着外賣，因醫院外大批傳媒等候，他亦停下來做訪問。

妻女分開很擔心

Andy表示BB情況OK，預計兩日後可搬離NICU，而Yumiko過兩日都可以出院。Yumiko要和B女分開是否很擔心？Andy說：「都擔心嘅。（咁醫生話BB係咩事？）因為呼吸麻麻地，依家OK，冇乜大礙，都有影好多BB相畀Yumiko睇。」至於BB還未改名，英文名由太太決定。

Andy在東區醫院探望B女，知道情況OK才放下心頭大石。	前晚Andy陪同B女轉院。	「梁浸浸」

至於Yumiko在凌晨時分透過經理人霍汶希（Mani）向外報平安：「BB觀察緊，暫時冇大礙。」到昨午再補充說：「係因為BB出世嘅醫院冇需要嘅專業儀器，係設備問題，所以轉去公立醫院，多謝大家關心，BB冇大問題。」

容祖兒、阿Sa先後到醫院探望鄭希怡。	阿Sa	黃伊汶表示BB問題不大，不用擔心。

祖兒阿Sa輪流探

一班好友容祖兒、蔡卓妍（阿Sa）、黃伊汶（Emme）、何嘉莉、谷祖琳及前英皇高層Kitty媽相繼到醫院探望，Emme拿着鮮花和卡通氫氣球，小谷則帶着一箱BB用品，事後Emme透過電話表示：「Yumiko冇乜嘢，OK嘅，BB都冇乜大問題唔使擔心。」至於Kitty媽到院才知BB去了另一間醫院：「我同Yumiko講我個仔出世時都係咁，佢就好放心。」至晚上八時半祖兒到達，問到Yumiko和BB情況OK時，她匆匆拋下一句：「係咪呀，佢講過你知？你哋知得仲多過我啦。」至晚上九時許，祖兒與阿Sa一起離開，祖兒見記者說：「未見過咁靚嘅女人。」阿Sa則說：「充滿母愛！」至於阿嬌亦有跟Yumiko訊息聯絡，知道母情況並不擔心，今日會去探望。而張敬軒則說心急見BB女，目前幾個好朋友正諗緊送甚麼禮物。

文：音樂組

攝：追蹤組