諸葛開戲簽栢芝 人棄我取

前晚護膚品牌活動，出席嘉賓者眾，包括影后蕭芳芳、性感女神鍾楚紅、娛樂公司老闆諸葛紫岐（Marie）、藝人黎諾懿，以及同樣腹大便便的名模周汶錡及Cara G.等。芳芳姐與紅姑惺惺相惜，見面即相擁問好，芳芳姐大讚紅姑保養得宜，並坦言若自己的耳疾康復，望能與對方合作；芳芳姐又透露自己目前以湊孫為樂，自爆閒時會與外孫一同唱歌、跳舞，並在梳化上碌來碌去。

力撐專業好nice

而Marie透露其公司正籌備開拍電影，望於五月底開拍，主角將由張栢芝擔任。提到栢芝被前經理人陳嵐公開指摘欠專業操守，決定飛她出局，連累電影補拍而損失數千萬元一事，問Marie是否人棄我取？曾與栢芝合作的Marie力撐對方說：「佢個人好nice，第一次識佢嗰陣都有打招呼，一齊玩。（佢要照顧兩個仔，怕唔怕佢冇時間？）有小朋友唔緊要，互相遷就，我都有小朋友，好明白。（怕唔怕佢甩場？）佢好專業，暫時唔擔心。（佢有冇開咩條件？）之前未傾到，今次會傾得詳細少少，合約寫得清楚啲。」她透露電影將於北京、台灣等地取景，並會有數名主角，但自己則不打算參演。

同場的黎諾懿則再次澄清被外父李志強沒收名車及別墅一事，並揚言：「我咁多年來都揸自己嘅車，住自己嘅屋。」

黎諾懿喜遇女神紅姑，不忘合照留念。	蕭芳芳（右）與紅姑相擁問好。	Cara G.（右）與周汶錡同是美麗的孕婦。

被傳染瞓咗五日

而Cara昨日出席另一活動時，透露自己早前被女兒India傳染疾病，導致臥床五天。她說：「郁又郁唔到、瞓又瞓唔到，手指同腳趾都好痛。當時痛到喺好迷糊嘅狀態同老公講，叫律師寫定遺囑，最後食咗消炎藥終於退燒。」問到希望今胎生男還是女？Cara笑言：「冇所謂，但我估係女，因為我老公好女性化，所以只可以製造女仔。」

文：名人組