謙仔獲贈靚相 讚鞏俐sweet
羅仲謙在星皓電影《西遊記之孫悟空三打白骨精》中與國際巨星鞏俐合作，一路想向鞏俐「集郵」的他一直未有機會，最後她竟然送上寫有祝福字句的相片給羅仲謙，被冧爆的謙仔說：「鞏俐好sweet。」
星皓電影《西遊記之孫悟空三打白骨精》演員郭富城（城城）、小瀋陽、羅仲謙（謙仔）、導演鄭保瑞及老闆王海峰昨日在《2015香港國際影視展》為電影舉行記者會，星皓更宣布內地遊戲公司37互娛獲《西》片授權遊戲改編。飾演「沙僧」的謙仔坦言與眾影星合作初期心情緊張又興奮，最開心是收到鞏俐送相，大讚鞏俐sweet，他說：「一直都好想同佢影合照，但造型唔可以曝光，鞏俐好sweet，最後佢送咗張寫上祝福字句嘅相畀我。」
又寒又熱捱出病
扮演孫悟空的城城指每日要花七小時作特技化妝，長時間拍攝令皮膚敏感甚至卸妝時面上出現水泡。不過，最辛苦還是滿身黐滿毛，即使大汗淋漓也不能抹汗，要走到零度室外用吹風機降溫止汗，城城亦因而患病：「返香港睇中醫，中醫話我身體又寒又熱，佢睇咁耐症都未見過。」
唔想再化特技妝
出名捱得的城城少有地開口說辛苦，他說：「都預咗辛苦，但辛苦程度係自己想像嘅十倍，我都好捱得，入行以嚟好少呻辛苦，今次講係唔想遏抑住，要抒發出嚟！」他透露稍後可能要再到新西蘭取景，他笑謂雖然已經習慣，但希望不用再化孫悟空特技妝！問城城若加片酬會再拍孫悟空嗎？他說：「唔係錢問題，依家唔諗住，放低吓先，四個月真係好長嘅時間。」至於扮演豬八戒的小瀋陽，笑謂享受拍攝過程，但特技化妝的時間則除外。
文：影視組