嘉玲行山上癮 向發哥學習

一連數天由香港貿易發展局舉辦第32屆「香港國際珠寶展」假灣仔會展舉行，昨晚藝人劉嘉玲、名模Rosemary及港姐蔡思貝、楊洛婷等一同出席珠寶設計大獎活動，其中嘉玲擔任評判，問她有沒有很有價值的珠寶首飾？她笑說：「盡量啦，我冇咁多錢，（最有紀念價值係咪婚戒？）仲有媽咪送嘅錶，有啲自己買嘅頸鏈同戒指都特別。」

願同人合照

談到初五跟周潤發一起行山？她表現興奮地說：「我上咗癮，覺得好健康，同佢行山學到好多生活小常識，行之前佢會每人派個番薯，一個鐘後又派隻香蕉，之後又提我哋飲啖水。我睇到佢好平易近人，佢見到每個人都打招呼，如果有需要又會同人影相，山上每間士多同食店嘅人佢都知道人哋姓乜，有幾多個細路。我要向佢學習，街上面有人叫我影相，我都話等我戴番副眼鏡先！」

嘉玲早前與發哥行山，並大讚對方平易近人。（資料圖片）。	楊洛婷悉心打扮出席香港國際珠寶展。	雷頌德的作品將參加巴塞爾珠寶展。

約埋坐港鐵

嘉玲指從發哥身上學到平和是福，她續說：「佢同我坐小巴，我廿年冇坐過，佢話下次帶我坐港鐵，（你哋一齊坐港鐵好轟動？）佢應該知邊個時段少啲人，我覺得係我嘅福分。」她又笑言下次會偕老公梁朝偉一起行山，又謂每次行山最期待就是發哥為他們籌備的一頓飯。

此外，昨日音樂人雷頌德就以設計師身份現身香港國際珠寶展另一活動，他特別為珠寶行設計珠寶，將於三月二十日參加巴塞爾珠寶展。他又自爆農曆新年放假喪睡覺，瞓了一年的時間。

文：名人組