子丹低調 怕拆最強招牌
「宇宙最強」甄子丹一直渴望做馬主，去年抽馬落空今年將再接再厲，若抽中馬匹又為改名頭痛，他堅稱不會改「宇宙最強」，最怕拆掉金漆招牌。將拍新片《葉問3》的他自爆拒絕導演要求減三十磅，笑言：「再減唔單止畀風吹起，仲死得o架！」
甄子丹（丹爺）與名模Jocelyn昨天同出席《寶馬香港打吡大賽》，第三度擔任「打吡大使」的丹爺坐着價值238萬的寶馬進場，型到爆，有否興趣買部寶馬？他自認不奢侈，要問過老婆先。
拒減卅磅
一向欲當馬主的丹爺坦言今年再度抽馬，談到改馬名時他說：「抽到先再諗，不過好多人都問過我呢個問題，仲提議改為『宇宙最強』，但如果輸咗咁點算？抽到先再諗，謙虛啲好。」
即將拍攝新片《葉問3》的丹爺自爆導演葉偉信要求他減卅磅，丹爺說：「我冇可能減卅磅，會死o架，雖然再瘦啲好啲，但瘦卅磅會入院瞓床，冇可能！」目前他的體重是145磅左右，年輕時曾病過，最瘦去到128磅，他笑言：「再瘦會畀風吹起！（導演葉偉信肯唔肯讓步？）佢好易話為。（協議咗？）都係睇導演心情，佢好小朋友，可能突然會轉構思，要我增肥卅磅做肥版葉問都得。」
生BB隨緣
另外，鍾情於馬的Jocelyn被指錯過馬年生馬BB，她笑言已經預備了十年生BB：「順其自然啦，依家都係專注事業先。我相信命運，唔一定要指定邊個生肖。」之前去非洲肯尼亞的Jocelyn在當地見到象BB，因目睹象媽媽被殺害很不開心，她助養了一隻六個月大的象BB。
文：名人組