Fiona怕醜錯過1億金牛山
薛凱琪（Fiona）、譚詠麟、李克勤、任達華及許志安等人前晚出席澳門舉行的「太陽城集團春茗晚宴」，由於會場外放有港幣1億「金牛山」，Fiona笑言驟眼看以為是道具，更因害羞怕被發現放棄與巨款合照機會。
藝人薛凱琪（Fiona）、許志安、小肥、吳奇隆及劉浩龍出席所屬公司太陽城集團前晚在澳門筵開三百圍的春茗晚宴，而任達華、古天樂、余文樂、陳百祥、譚詠麟（阿倫）、李克勤、蕭亞軒（Elva）、魔術師劉謙及陳靜等人到賀，可謂星光熠熠，而太陽城集團行政總裁兼董事周焯華則忙足整晚招呼賓客。
「左麟右李」打頭陣
有份獻唱的Fiona坦言有與老闆周焯華傾偈，她說：「傾咗幾句。（傾工作大計？）唔係，工作大多數同Paco（黃柏高）傾。」問到有否叫Paco介紹好男仔認識？Fiona哈哈大笑說：「曾經有同佢講笑咁講，不過佢話拍戲、歌曲上可以達到我要求，愛情嘅嘢就幫我唔到。」由於會場外放有一億「金牛山」，Fiona說：「見到，都有諗係咪道具。（同一億現金影合照？）驚畀人見到會好害羞。」
以「左麟右李」名義打頭陣表演的阿倫透露受邀因經理人張國忠與周焯華是好友，加上大家也是工作夥伴。問到有否入賭場發財？阿倫說：「冇，鍾意食嘢多啲。」並表示因行色匆匆故無緣與「金牛山」合照。另Elva日前被拍得陪有米男友石正祥返新加坡度歲，更與未來老爺及奶奶拜訪親友，盛傳二人婚期不遠。
文：音樂組