三子之母恨抱孫

陳美齡昨舉行相片展,年屆九旬的陳媽媽彭端淑亦到場。陳美齡談到三個蜜運中的兒子和平、昇平和協平分別已28歲、25歲和18歲:「18歲嗰個仔都拍緊拖。(希望快啲娶新抱?)娶新抱梗係好,最緊要抱孫,我好鍾意小朋友,如果生咗小朋友,我養吖!佢哋肯畀我養我就制呀,我去湊,佢哋啲後生仔去玩,去工作。但要佢哋娶得到人先o架。(催婚?)冇呀!唔夠膽催,仔大仔世界,你哋父母催你哋都唔聽啦。怕催佢嘅話一陣唔理我就慘嘞。」她透露大仔和二仔已有工作,細仔今年九月入大學:「佢哋唔喺娛樂圈工作,冇所謂,佢哋依家工作得好好,相信冇興趣入娛樂圈。」