李逸朗讚齊昕勇敢 灰帽兩份戴
以「哭腔」成功上位的李逸朗前晚於中環舉行小型音樂會，除了邀請到歌手好友張紋嘉、導演郭子健、音樂人韋啟良作嘉賓，更有重量級嘉賓特首女兒梁齊昕親身到場支持，由於一直盛傳Don將與齊昕合作拍電影，相信今次齊昕「突擊」進場是希望以行動支持「準拍檔」，其中齊昕更大讚Don所改編的「哭腔版」《傻女》好聽。
離開腳步浮浮
完騷後，齊昕大方上台與Don合照，再由Don的經理人陪同下乘坐私家車離去，正當大家以為齊昕會直奔禮賓府時，私家車竟駛住西環一間食肆，原來有心的齊昕出席Don的慶功宴，不過下車時她就戴上黑超未有回應記者的提問，其後完成訪問的Don亦隨即到埗，食火鍋期間，本來Don戴住的灰色帽離奇轉移到齊昕的頭上，直至凌晨兩時多各人陸續離開，而本來打扮性感的齊昕就穿上外套「封胸」，離去時更腳步浮浮，當記者問到是否「飲好多」？齊昕就笑着回應：「一啖酒都冇飲過！」並乘車返禮賓府。
兩人首次見面
而Don在接受訪問時，提到齊昕支持他的演唱會，他表示是透過公司邀請齊昕，本亦不知道她會否出席，今次亦是兩人首次見面，非常感謝她，Don又直言：「喺我心入面，佢係一個好普通嘅香港人，我覺得佢好勇敢，出門都有好大壓力，要受好多評語同輿論，好多謝佢咁都願意出門嚟睇我。」至於兩人是否會順利開戲？Don則直言不清楚，又表示雖然是男女主角，但親熱戲會點到即止。另談到舊愛葉翠翠宣布訂婚，他就大方恭喜對方，亦表示之前在電視台碰見有互相問候。
文：音樂組