思捷為家燕做媒人
藝員薛家燕前晚在將軍澳電視城為無綫節目《今晚睇李》擔任嘉賓，主持李思捷為家燕姐度身訂造speed dating環節，家燕姐受訪表示：「佢話對象唔係藝人，係專業人士，又唔話畀我知，我驚佢想整蠱我，因為上次佢整蠱我食錯魚春，佢又話唔係，佢話家燕姐你咁畀面，唔會整蠱你嘅！」
家燕姐講到擇偶條件，認為最重要是自己鍾意及心地好：「如果思捷畀我問佢問題，會問佢介唔介意年齡，同埋問佢職業啦，如果佢撈偏門咁就唔好啦，因為我係比較正經人士，而且經濟都要穩定，唔好諗住佢娶咗我之後就坐喺度。」家燕姐再強調心地好很重要：「我以前屋企有個人，見到個菲傭心臟病發，我話快啲打999啦，佢就話唔好，即刻搬佢出屋外面，費事死喺我屋企呀！真係有啲咁嘅人！」
