學友怨阿倫 被迫獻身搲飛

譚詠麟一共13場的《譚詠麟銀河歲月40載》前晚假紅館舉行第四場，阿倫邀得張學友擔任嘉賓，難得兩代歌神同台，引來全場觀眾尖叫聲拆天！兩位歌神在台上「Gag來Gag往」，阿倫表示得知學友最近推出的大碟花了七年時間籌備，大讚對方是個精益求精的歌手，怎料學友笑言：「其實都係講吓啫！」

炒高票價

阿倫再追問學友為何要遠赴英國錄製國語碟：「乜依家啲英國人開始講國語咩？」學友繼續妙語連珠回應：「我想隻碟有啲英國味，咁音樂又冇分語言嘅，我又真係未見過結他講國語喎！」

阿倫大爆學友是第一位報名的嘉賓，更笑指這晚門票價格因學友而被炒高幾倍。學友反而埋怨阿倫個唱一票難求，笑言最後要自動獻身才能搶飛成功，他說：「媽媽同妹妹要我幫手撲六張阿倫今次40周年嘅演唱會飛，點知託晒關係問晒所有人都冇辦法，後來同阿倫話要嚟做嘉賓先有，咁先呃到四張飛，幾慘呀！」

做嘉賓先呃得四張飛咋！（設計對白）	湯寶如捧場睇騷，又到後台與阿倫合照。	草蜢拉隊撐阿倫演唱會。

自選飲歌

阿倫指學友真識開玩笑，怎料學友一臉認真說：「唔係講笑，全部事實……除咗話你叫我做嘉賓用四張飛換，其他真係全部事實！」最後二人合唱一曲《誰可改變》， 原定阿倫會為每晚的嘉賓揀選一首首本名曲，但學友就選擇了自己較為熟悉的《霧之戀》。

文：音樂組