鎮宇飛機頭屹立不倒
港產片賀歲檔大戰，之前各片演員落力宣傳「拉戲票」，吳鎮宇早前受訪宣傳電影《衝上雲霄》，談到在電影版中與角色「Sam哥」再續前緣，他表示連造型也一樣嚴謹：「着制服時，個頭要行啲，普通便裝個飛機（頭）角度要低番啲，自己真係吹唔到，開拍前要TVB派專人嚟試吹。（要吹幾耐？）一路化妝一路吹都半個鐘以上，試過有次落雨都唔塌。」
談到在電視版中與張智霖鬥chok，鎮宇透露今次雙方一場對手戲也沒有，但就預告自己比電視版更chok：「佢揸私人飛機，我都幾想揸，雖然有直升機牌，但『私照』唔可以載人。（成日搭飛機有咩得意嘢？）不斷同機師、空姐合照，有四間機長都出嚟，但要等佢哋臨尾做晒嘢入個艙度影，結果坐頭等變咗好似經濟客位咁落機。」