王梓軒邀家燕出山跳黯然銷魂舞

歌手王梓軒（Jonathan）日前聯同薛家燕拍攝《心足－我和叉燒有個約會》MV，過往情人節會拍攝甜蜜MV的Jonathan表示人大了發現情人節不一定要有情人：「就算冇都可以喺第二度搵到快樂，其實今次MV就係將《心足》舊歌新唱，而《心足》就係講就算情人或者屋企人畀碗粥你食都好心滿意足。」

他又透露MV用「黯然銷魂飯」的靈感來自歌詞「人間一粒米」：「我出道五年畀人嘅感覺都係嚴肅正經，但其實我都貪玩，所以希望透過MV帶歡樂畀大家，突破自己太正經嘅形象。而一諗起快樂就諗起家燕姐，佢係快樂代言人。」

家燕姐為了客串Jonathan新MV一角，重現電影《食神》的經典造型。

放大圖片

重現昔日裝束

最近跟黃秋生學習戲劇的Jonathan亦坦言想跟更多不同演員合作，所以當日膽粗粗邀請家燕姐客串MV：「搵嗰陣有少少博，點知家燕姐竟然肯，仲幫我度橋。」

Jonathan跟黃秋生學戲，希望與不同演員合作。

「黯然銷魂飯」是Jonathan新MV的一大重點。

家燕姐亦表示今次很開心可以有份拍攝MV：「我拍嘢鍾意有噱頭，嗰陣聽梓軒講idea係『黯然銷魂飯』，我已經即刻『嘩！』，之後我就諗到即刻搵埋成班fans喺茶餐廳跳舞，咁樣一定爆，大家又開心！」她續說特地為MV找回當年電影《食神》的裝束：「梓軒真係要多謝我，我要睇番當年《食神》part舞點跳，又要搵番副眼鏡，原來眼鏡有條繩掛住，所以前一日都要特登叫人整畀我，又特登搵髮型師整番《食神》個髮型。」問到如何答謝家燕姐？Jonathan笑言請她食自家製「黯然銷魂飯」。

合作互笠高帽

雖然兩人之前合作過，但首次合作拍攝音樂MV的兩人仍然互笠高帽，Jonathan大讚家燕姐是最好的前輩：「佢本身自己叻之餘，又可以帶動埋啲後輩，而且好多主意，好肯同人分享。」家燕姐亦謂很欣賞Jonathan：「佢好有創意，做嘢又認真，年輕人肯同我哋玩係好事，證明我哋頭腦都年輕，追得上時代。」

文：音樂組

攝：林定兒