何弘軒心思思想整容
歌手何弘軒（Alan）早前到韓國濟洲演唱，更與韓國女子組合SISTAR同台表演。趁機在首爾放假充電的他，在街頭看到很多整形中心及韓國型男，坦言有想過整容：「咁我又唔夠人靚仔，都有一刻心思思想去整吓，不過都係得個諗字，怕返到香港畀屋企人鬧我學人整容。」
身形瘦削的他本來希望大吃大喝的韓國之旅可以助他增肥幾磅，變大隻少少回港，誰知同行個個都增磅，唯獨他仍然保持「苗條」身材，令同行友人羨慕不已，更取笑他嘥米飯。
Alan有小朋友緣，自去年演出兒童音樂劇後，日前又為一個天才兒童表演比賽活動擔任評判，他說：「依家小朋友好多才多藝，識玩好多樂器，年紀小小仲彈得一手好音樂，我都要向佢哋請教。」