你以為佢好淫，查實阿妹好斯文，無奈個樣生得好迷人，搞到好頭痕！為咗做好裸模呢份工，Tommie Jo堅持唔剝清、唔低俗、唔靠緋聞上位。咁結果點？咪捱足十幾年都唔及姊妹紅囉！又如何，樂天知命，知足常樂，夠搵夠食咪幾好囉！
你睇Tommie Jo好後生，似足新入行妹豬，錯喇！86年出生，自稱13歲已做時裝Model出現喺潮流雜誌，喺19歲嗰年更首次以比堅尼形象現身於Playboy，假如信風水命理的話，當事人「少年運」好強，可惜當阿妹決定轉型裸模後，運勢急轉直下！收到阿妹露出消息，坊間所有男性雜誌，包括Nuts、 Zoo、 Max Power、 Maxim及Loaded都爭住拉佢上封面做專訪，一時間整個歐美都係阿妹嘜頭。正常情況梗係紅爆啦，奇怪係露出程度同人氣不成正比，查實同運氣無關，同Tommie Jo外形則絕對有關。
你睇阿妹成副偈包括樣貌，係咪極具挑逗性，即使佢唔剝唔郁都散發住陣陣邪氣，甚至比床上脫星更脫星，理應上床肉搏，成就肯定更大。又唔怪得男人噃，阿妹天生34DD巨咪，出場總係未見樣先見波，咁大對燈「射」住，男人都係哺乳類動物，唔諗淫嘢咁諗乜先？可惜阿妹有自己一套，佢堅持賣美感，任何造型都陪你癲，但要佢低俗，搓波擘髀就唔使諗！阿妹唔諗但男人好多幻想，結果呢十年嚟係你有你露，我有我幻想，各行各路，咪得個做字囉！
人生在世，錢唔係一切，Tommie生性樂觀，喺雜誌訪問中表示，做Model係興趣，跳舞先係人生目標，直至現在，佢每日都有跳舞，亦有開班授徒仲不時替歌手MV排舞添！搵到人生當然搵到銀，又所以對住同期姊妹或後輩早就爬過佢頭，當事人一啲都冇在意，反之因為分量夠，近幾年好似升咗上大姐級咁，出席成人雜誌做嘉賓，得閒上成人節目談情說性，又喺Bluebird TV收費電視頻道做主持。
論收入，Tommie唔會輸畀任何一位裸模，但數年齡睇怕佢自己都知唔夠人爭，或者怕被淘汰，由前年開始，轉戰美國市場，剝衫晒波係其次，真正目的係做派對搞手，佢夥拍同行好姊妹Gemma Massey喺紐約及拉斯維加斯夜場搞派對活動，憑住人氣及人脈每次開騷必盛況「胸」前，百足咁多爪外界都無擔心阿妹會退下來，反而有心網友仲幫佢開咗個粉絲網站tommie-jo.com，好等巴打可以認識呢位索妹，至於Tommie嘅官方網則要收費，唔知你又制唔制呢？
簡介：粉絲網有tommie-jo.com費用全免任君睇，而阿妹嘅正式官方網站就係以下呢個，入面嘅寫真及索爆短片，拍攝當然專業得多啦！以阿妹10年資歷，你話有乜未玩過呢？而近期一輯扮「貓女」造型就最煞食，動作多多，索而不淫，正呀！
網址：www.officialtommiejo.com/
出生日期：1986年10月31日
三圍：34DD-26-36
身高：5呎7吋
撰文：祖