汪圓圓戒餵人奶呻湊B辛苦

汪圓圓自前年與玩具大王蔡志明孻仔蔡加讚（Karson）結婚及火速造人成功，並於去年誕下愛女Celine後，昨日首次個人出席「情．尋朱古力@海港城」活動，身穿純白連身裙亮相的她顯得高貴大方，她隨後雀躍透露自己和囡囡的近況：「都有一年半冇出公開活動啦，婚後去度蜜月，之後就緊接生BB，（依家開始修身？）係呀，不過進度就唔緊要啦，健康先係最緊要，（餵緊人奶？）依家冇啦，BB就嚟5個月大，（識轉身未？）佢想轉身，但轉唔到，可能太肥啦，佢已經有成16磅，差唔多5個月大就已經要着6至9個月嘅衫，好高大。」

汪詩詩吻別六呎男

她續表示閒時湊囡囡必定親力親為，但不禁大呻湊B辛苦。問到何時追第二個？她指：「等BB大個少少先，享受呢個成長過程先，依家湊BB同做媽咪係第一位，都會少啲接工作。」問到丈夫Karson有否幫忙照顧囡囡？她笑說：「Karson好忙，但有好盡力幫手，但佢未幫過BB換開大（大便）嘅片同沖涼，唔知點解佢次次咁啱都有事行開咗。」

汪詩詩與六呎男見記者即親切揮手。	二人其後吻別離開。	舒淇以露肩裝現身做嘉賓，大晒招牌笑容。

另汪圓圓胞姊汪詩詩經常與老公甄子丹出雙入對，於前日下午約六時，鮮有撇下老公，與一名六呎高的男士現身銅鑼灣，更站於商場角落密密斟，期間詩詩聽得入神，表情多多兼托晒下巴，及至發現記者拍照，她則笑笑口告知男友人，二人大方地向鏡頭揮手。未幾詩詩與男友人步出商場外等車，及至七人車駛至，見她與鬍鬚男goodbye kiss才登車離開。

舒淇歎瑰麗朱古力

此外，為BVLGARI擔任品牌大使的性感女神舒淇及荷里活男星Luke Evans早前亦專誠到訪品牌位於海港城的全新香港旗艦店，擔任開幕嘉賓期間亦一嘗如同珠寶瑰麗的BVLGARI朱古力，而他們更推介其情人節限量版、一盒兩粒的「他與她」朱古力，口味具貼心的設計，分別有為男士而設的芝士、蜜糖和白朱古力，及為女士而設的車厘子和濃朱古力。

文：名人組