林志美C AllStar唱出愛火
靚聲歌手林志美（Samantha）將於本周六舉行《Timeless Samantha's Live 林志美音樂會2015》。昨日她偕同任嘉賓的組合C AllStar綵排，合唱《愛的火花》。Samantha坦言首次與C AllStar合作，感覺新鮮：「C AllStar玩開和音，今次可以將首歌轉新嘅arrangement，好好玩。而且香港好少佢哋呢類型嘅組合，我覺得佢哋四個好齊心，好有心機做音樂。」Samantha亦透露會邀請另一位嘉賓馮允謙（Jay）合唱《新宿物語》：「首歌講異國戀情，佢又係鬼鬼哋，所以就搵佢，覺得同佢合唱會有特別感覺。」
有感性 無性感
此外，Samantha又大讚今次服裝漂亮。問到會否性感上陣？在旁的工作人員即謂有感性、無性感，Samantha亦笑言：「我適合感性多啲。」並坦言一直恨開靚聲音樂會：「因為同觀眾距離好近，唔同大型演唱會，觀眾入嚟都係想聽到音樂，唔係只係睇騷。」最後問到keep聲秘訣？她大方分享：「唔好大聲嗌，同埋我會保養埋耳仔。」
文：音樂組