吳千語昨日出席時裝活動時透露，下月可能到美國拍攝內地劇集，她說：「呢部劇會去三個地方取景，其中一個係美國，我未試過去咁遠拍劇，亞洲地區就去過，所以都好期待。」
問千語如何慶祝情人節？她坦言構思中，並指男友林峯生病：「依家流感好嚴重，我有兩個表妹都入咗醫院。有百幾人死咗，點解唔係好多新聞講呢啲？真係幾嚴重！所以出街都要戴口罩，食嘢要用公筷，注意個人清潔。（少見咗？）佢都要休息，成日睇醫生，我都同佢講要認真休假。（有冇煲粥畀佢？）我唔喺香港，如果喺香港都會關心佢多啲！」
