官恩娜（Ella）與醫生男友終於拉埋天窗，同唱片公司的周柏豪即恭喜兩人新婚快樂：「恭喜兩位，白頭到老，連生貴子，唔好掛住我……哋，放心去享受幸福美滿的人生。」至於樂隊Dear Jane昨日在電台受訪時表示在公司的Group chat知道喜訊，已立即送上祝福，至於已婚成員Tim更不慎洩露天機，大爆Ella婚前偷偷向他取經：「之前佢都有隨口問幾句我個婚禮點，但我當時以為係女仔好奇，所以先咁問，後尾佢同我講怕直接問畀人聽到會知佢結婚。」
