千嬅開P慶生難忍冧笑
楊千嬅昨日41歲生日，前晚特在中環某高級餐廳舉行生日派對，廣邀圈中好友出席，包括陳奕迅（Eason）、梁漢文（Edmond）、蘇永康、黎芷珊、電台DJ森美、小儀、黃偉文、跟千嬅同年同月同日生的音樂人郭偉亮（Eric）及其太太葉佩雯等，但未見千嬅囝囝Torres。期間壽星女千嬅及壽星仔Eric上台齊切生日蛋糕兼許願，出名錫老婆的丁子高為千嬅送上特製的一家三口造型蛋糕，並寫上「M.T.R. Family Rock」，代表千嬅（Miriam）、丁子高（Real）和囝囝Torres，相當有心思，丁子高更在社交網冧爆留言：「每次見到你笑成咁……就係我最大嘅成就。老婆，生日快樂。」
難得良朋共聚，千嬅率先上台唱歌，其後Eason、Edmond及康仔輪流獻聲助興，不過高潮位則是丁子高向太太獻唱黎明的《夏日傾情》。昨日小儀接受電話訪問時表示：「玩得好開心，但我冇送禮物喎，好難送呀，因為千嬅乜都有，我祝佢身體健康，幸福快樂，同埋快啲生番個丁妹（女兒）啦。」另外，昨晚千嬅又偕老公捧劉嘉玲主演的舞台劇《杜老誌》場，千嬅表示：「我嚟睇騷當慶祝生日。」
