杜汶澤:為偶像作曲唔易o架

藝人杜汶澤曾在社交網站轉載《給發哥的歌》,記者聯絡上阿澤,他說:「我喺網上聽到呢首歌,覺得好感動。感動係因為一個女仔為咗同偶像合照而去作一首歌,作一首歌唔易o架。我知發哥都會有留意我啲社交網站,所以轉載咗。」當他得知the pancakes獲發哥邀請出席首映,他說:「真係?咁好?真係戥佢好開心,呢個女仔為咗同偶像合照做咗咁多嘢,發哥感染力真係好大。我睇到有個社交網站,係啲網民上載自己同發哥嘅合照,個個粉絲個樣都係好開心嘅。」他坦言當日接拍電影《賭城風雲》,都是希望與發哥合照!

問到會否希望有首《給杜汶澤的歌》,阿澤笑說:「唔好呀,發哥係神級,冇得比較。同埋我要向發哥學習,我喺街同粉絲合照仲會覺得尷尬,我又唔係咩大明星。」