周永恒判監兩月 寸嘴怨傳媒
周永恒（Roy）早前在守行為期間到太太趙頌茹（阿Yu）娘家恐嚇她及其父母，被控一項普通襲擊罪，案件昨日判刑，Roy被判監兩個月，緩刑18個月。聞判後立即黑面的Roy離開法庭時，以寸嘴態度回應判決：「我判乜嘢都滿意啦！你哋（指記者）一早判咗我啦！」
去年周永恒因對妻子趙頌茹家暴被法庭判守行為18個月，守行為期間又涉恐嚇阿Yu及其父母再被捕，控以一項普通襲擊罪。早前認罪的Roy昨早由父母及一女友人陪同下到屯門法院聽取判刑，Roy進入法庭前說掛念兩女兒：「成日發夢見到佢o地。」
Roy的代表律師指Roy是因壓力而衝動犯案，事件亦令他出現妄想病徵。然而，裁判官判評Roy行為差，其壓力源於他的缺失，要判阻嚇性刑罰，Roy最終被判監兩個月，緩刑18個月。Roy聞判後即黑面，裁判官問他是否明白，他即睥住對方，裁判官遂要求他出聲回應。Roy離開法庭時，以寸嘴態度回應記者提問：「我判乜嘢都滿意啦！你哋（指記者）一早判咗我啦！」Roy母在庭外甚勞氣，曾向老公大呻：「唔啱咪離婚囉，使乜搞咁多嘢！」亦對判決感不滿：「依家淨係信晒啲報紙。」
拉阿Yu落水
Roy續稱會經社工聯絡阿Yu：「上次想探兩個女就搞到咁嚴重，之前報道話嗰啲乜嘢殺死你係渲染，外母又話我吐口水落佢塊面搞到要報警。」之後Roy無故重提阿Yu童年遭性侵的事：「阿Yu之前件事都應該報警，大家都知邊個，希望佢哋會行動，唔好淨係處理我啲事。」
提到與疑似小三劉依靜（Ruby）的關係，Roy謂：「又係渲染，報紙近期好好賣，我都做咗好多期主角。」說畢就與父母坐的士離開，沿途與母邊翹手邊哼歌。
阿Yu則透過電話回應：「件事勞煩咗好多人，希望今次作為一個完結，亦學到為人父母點樣用身教教好小朋友，希望2015年有個新開始。」
案件編號：TMCC3065/2014
文：音樂組