丁羽淚送愛徒
林保全師傅、80歲資深配音員丁羽昨現身靈堂，日前剛完成太太喪禮的他傷感表示：「諗唔到我太太25日喺隔籬搞完，今日到我愛徒。」語畢，丁羽激動得哭成淚人，令人心酸。
丁羽強忍悲傷說：「好多人叫我唔好嚟，會相沖，我身體又唔好。但保全係我愛徒，芷筠係我契女，我唔理！我百無禁忌！好多得保全當年唔怕辛苦同我一齊工作，我哋試過一日工作22小時，講都冇人信，當時我叫佢：『唔好咁辛苦啦！』保全同我講：『師傅你都咁辛苦，我點會唔捱得？』保全嘅點點滴滴，我永遠記在心！保全值得配音員學習，佢做嘢要求完美，我有配音界鬼門關之稱，過到我嗰關先叫OK！保全試過配得已好完美，但都堅持再配、再錄，嗰兩個音又真係好咗，我最鍾意佢做事認真！」