黃翠如告狀畀蕭正楠糟躓
藝人黃翠如、蕭正楠、曹永廉、黃智雯、李綺雯等人，昨日為無綫劇《師奶madam》到商場出席宣傳活動，一眾演員在台上與現場觀眾玩遊戲又派禮物，場面墟冚。
席間問黃翠如若新劇收視創新高會否宣布婚訊，她笑說：「唔會，不過可能叫蕭正楠同曹永廉宣布婚訊，我做證婚人，我都好大犧牲o架。」她又指與蕭正楠拍攝時已「同居」了兩個月，劇中連婚紗相都拍過，笑言日後可以「翻用」。黃翠如踢爆現實中的蕭正楠與劇中一樣，經常糟躓她和鬥氣，但自己懂得還擊。
笑女友撩是鬥非
蕭正楠對於女友指他可與曹永廉宣布婚訊，他笑說：「同性婚姻得o架咩？有都唔拘，可能我哋前世係一對夫妻。（捨得放棄翠如？）冇辦法啦，撞番前世嗰個，留番下一世啦。（翠如話你糟躓佢！）邊有，抹黑我。對佢好好o架，佢成日主動撩開戰，撩是鬥非。」
在旁的曹永廉指拍攝時已察覺到蕭正楠和黃翠如很有默契，笑言也有呼籲兩人早點結婚，也可以先生小朋友再結婚，他笑說：「佢聽唔聽我唔知，但應該有做。」