渡海濠情：狂買性用品 男友最頭痕
台灣女高中生畢業旅行經過性商店，帶隊校長批准佢哋參觀一下長長見識，但女生們都心思思，都想買啲「戰利品」好證明自己不枉此行，校長發現後，竟立即苦苦哀求女生們「手下留情」。嚟自利澳水療嘅菲兒就話：「我都未必忍到手！」
唱到面黃
菲兒話：「類似情況我都發生過，話說有一年長假同男朋友去旅行，行吓行吓行咗去間性商店，於是入去逛吓，發現有好多情趣用品都十分得意，燃起我嘅『濕平』小宇宙，於是攞起個籃就大肆入貨，嚇到我男朋友馬上阻止，因為等陣攞住大包小包性用品回去，畀團友睇到一定笑到面黃，而且我買嘅都係女士專用產品，男朋友話畀人見到會以為佢性能力不濟，女友要喺性商店大量入貨嚟填補空虛，到時實畀人唱到面黃，見佢一面認真，於是忍手唔買咁多，只買咗幾個好可愛嘅紀念品就算，男朋友先至鬆一口氣咋！所以囡囡去買性用品，都係一個人好啲，同男朋友去佢哋會覺得好冇面，你仲話同校長去，一陣畀人笑佢教出一班情慾娃娃嚟，真係邊度都唔使去呀！」
腎虧公子
除咗買性用品，仲有冇商品買咗係會令男友冇面嘅呢？菲兒話：「有呀！就係買一啲強腎壯腰嘅藥物或者保健品時，男友隨時都會冇晒面，話說都係嗰次旅行，領隊有日帶咗我哋去大型嘅種植基地買嘢，佢哋有種大補藥話係男士嘅恩物，補腎壯腰，咁啱我老爸正有咁嘅需要，於是一口氣買咗半打，個個都即刻笑笑口望住我男朋友，仲話：『你女友對你真好，記住日日食藥，唔好令女友失望呀！』我男朋友都唔知點解釋，惟有啞仔食黃連，全團人都以為佢係腎虧公子，要食藥補腎！其實我都有向佢哋解釋，但啲團友就係唔聽，到落機嗰陣都仲有人笑佢，我都替男友難過，所以以後買呢啲藥物無論係咪佢用都好，都係一個人嘅時候至好買，費事男朋友畀人唱到失魂！」
菲兒Profile
年齡：22歲
三圍：35-24-35
撰文：小德
攝影：阿程