夏雨恨父子檔乘機教仔
NowTV高層何麗全昨日出席旗下原創劇活動，坦承有意跟亞視洽談長期合作，向對方租時段及廠房打救同業，又透露年中將請內地小生搭香港花旦開拍古裝劇。同場的夏雨和兒子黃俊銘又盼「父子檔」合拍劇集。
nowTV高層何麗全、夏雨和兒子黃俊銘（Dixon）及總製片人劉家豪、梅小青等昨日出席「nowTV原創劇 板長寿司呈獻：《衛子夫》凝聚戲劇新陣勢活動」，石修、盧海鵬（鵬哥）、柳影虹、倪晨曦等均現身撐場，席間，鵬哥更即興爆金句：「盧海鵬試咪，《衛子夫》至威。」場面惹笑。何麗全又宣布年中將在內地開拍第二套古裝劇，更有意請內地小生配香港花旦擔正，他說：「卡士定緊，依家做緊劇本。（搵番林峯拍？）我哋都好想，但佢個期唔得，加上我哋想有新嘗試，試吓用內地小生加香港嘅花旦。」並謂打算於年尾開時裝劇。提到亞視連月來拖欠員工薪金，有傳now觀星台節目《娛樂審死官》將在亞視播出，何麗全直言好關心同業情況，又坦承正跟亞視洽談合作：「我哋想傾吓有乜合作可能性，唔想一次過，依家傾嘅方向想長期性合作，譬如喺固定時段播now嘅節目、租借廠房，依家開始初步接觸緊。」
倪晨曦願拋胸
夏雨則透露稍後或跟nowTV合作拍劇、做綜藝節目，又盼跟兒子Dixon「父子檔」演出。問到囝囝會否怕他？夏雨笑謂：「有乜好驚？鬧佢即係入錢落佢袋，我好少鬧佢，原則上嘅嘢會提點吓。（有留意佢演出？）佢有不斷進步。」Dixon聞言感到很開心：「起碼佢睇到我做嘅嘢先，自己都想同佢拍劇，有咁嘅機會都係唔錯嘅經驗。（叫公司安排？）如果有機會梗係好，但希望佢哋見到成績先畀我拍。」兩父子稍後又為內地春晚節目擔任嘉賓及主持，Dixon笑道：「次次爸爸監場都特別驚。（返去會話你兩句？）會，我都會聽佢話，避免撞板。」
至於倪晨曦表示想拍nowTV劇集，最想參演古裝劇。談到范冰冰於《武媚娘傳奇》拋胸露6吋事業線，會否接受性感打扮？她笑謂：「要睇劇情需要，三吋都可以，六吋就太誇張。」
文：影視組