祖藍告別單身棟篤唱爆料

劇集《老表，你好hea！》演員王祖藍、王菀之、蔣志光、韋綺姍、陳嘉佳等在尖沙咀出席《HEA爆香港演唱會》記者會。王祖藍在台上表示該演唱會是他婚前最後一個騷，笑言希望由美女舞蹈員伴舞慶祝他告別單身。

祖藍與王菀之齊齊接受訪問，祖藍表示是合家歡演唱會，最重要是集齊一眾「老表」為大家帶來歡樂，問到是否在演唱會上舉行告別單身派對？他說：「我唱歌就獻醜啦，會做棟篤唱爆下拍攝兩集《老表》時大家嘅秘密，今次仲請咗好多神秘嘉賓。（會唔會請女友李亞男？）有可能。（預演婚禮？）傻啦，咁易估到就唔係神秘啦。」王菀之指今次除了有令大家會心微笑的爛gag外，更保證有靚聲可聽。

狀態不錯的蔣志光希望藉演唱會與年輕人交流。

一眾《老表》演員要有心理準備給祖藍在騷上爆料！

蔣志光試水溫

蔣志光表示有二十年以上沒有為演唱會演出，他坦言今次是為個唱試水溫，蔣志光說：「今次係試水溫，的確好多人搵我開演唱會，想開係想同年輕人合作，一路都有跑步練氣，狀態都ok。（會唔會唱《相逢何必曾燒衣》？）我都想，但係要諗諗點加入去。」

演唱會出品人王傲山回應與有線主持劉明軒離婚一事？他說：「手續搞得差唔多，係一個經歷，大家都有溝通，再見亦是朋友。」

文：影視組