夏尉喻 許雅婷 珍惜機會
《美人魚》主角千呼萬喚始出來，眾香港代表包括「寸嘴Barbie」夏尉喻、Kabby許雅婷及松岡李那等，月前參與海選成功入圍，但最終原來戲份只屬一般。夏尉喻昨接受電話訪問直言不介意：「今次係大挑戰，等同做女主角嘅喜悅。（覺得星爺點？）大家相處得好開心，佢好畀心機教新人。」
Kabby則謂：「我完成晒自己嘅戲份，係今年最好回憶。戲份多少唔介意，因為當初根本冇諗過會行到呢一步。（覺得星爺點？）佢認真得嚟好nice，好有前輩風範。或者因為我睇佢嘅戲大，覺得佢真人同拍戲好唔同。」而松岡則透過經理人說不感失望，身為日本人能參演已很開心。