謝安琪金髮Elsa look 囝囝耀母揚威

歌手謝安琪（Kay）、張敬軒、洪卓立和林欣彤等，前晚到將軍澳電視城出席無綫「2014勁歌金曲優秀選第二回」。連奪兩獎的Kay以金毛Look出場，更直言漂染過程達六個鐘又乸又痛苦，但獲老公張繼聰及兒子張瞻讚好，囝囝更覺得似卡通《魔雪奇緣》的Elsa公主：「依家成為咗小學生嘅偶像，佢（囝囝）好想我返學校畀同學睇！」

而早前突然缺席廣州音樂頒獎禮，她就坦言是公司決定：「因為經理人覺得某啲安排冇得到應有嘅尊重。」談到郭偉亮笑言不再為她作曲，Kay就表示有與對方聯絡且友誼依舊：「有時文字轉載字眼會誇張咗，令大家誤會咗。」

至於化煙燻妝的張敬軒，就坦言因廣州錄音室被政府收回而百感交集，更直言上周北上時，看到「拆到吉晒」亦不禁落淚。而洪卓立則透露，將與女友湯怡合拍新片《三條友飲醉「走」》，更大爆對方在家中練拋酒搞到損晒手。

張敬軒坦言對廣州錄音室被政府收回百感交集。

林欣彤穿低胸裙倒奶獻唱。

林欣彤知足唔使push

同場的林欣彤就罕有地穿低胸裙大晒事業線。相當怕醜的她，否認有Push Up更謂：「我覺得有啲衫唔push up靚啲！」問到之後的頒獎禮會否更性感？她坦言交由造型師決定：「最緊要靚，唔介意性感，出嚟感覺健康就得！（試吓Push Up？）唔使啦，除非有好需要Push嘅廣告。」

文：影視組