官恩娜溫暖牌贈未婚夫

早前宣布訂婚的官恩娜（Ella）今年可以大方與未婚夫共度聖誕，並透露今年聖誕想親手織冷衫給未婚夫，亦考慮煮聖誕大餐。拍拖六年間，Ella表示收過最驚喜的禮物，就是男友為她的愛犬買保險：「可能因為佢做醫生，所以知有呢啲嘢，雖然唔算係送畀我嘅，但都幾得意！」問Ella又送過甚麼特別禮物給對方？她說：「我鍾意送啲handmade嘅嘢，試過整一個皮革嘅公事包畀佢，再將我整嘅過程紀錄喺一本簿度，再一齊送畀佢！」她的未婚夫很喜歡這禮物，就算用至破爛亦不願意丟棄。