黃集鋒想做美國僱傭兵

亞視藝員黃集鋒昨日專程返亞視總台出席勞工處應員工要求舉行的諮詢會議，雖然他早前在微博上傳戶口只剩下$7.9的照片，但他昨早仍坐的士抵埗。被問到經濟狀況如何？他說：「因為之前做生意，啲人爭我錢，佢哋睇到我嘅新聞都主動還錢。（有多少錢？）有六位數字。」

集鋒又透露與亞視的合約本月31日完結，打算暫不續約：「依家都有傾，但合約條件唔係咁好，cut咗一半騷又cut咗一半糧，如果你話公司會拍劇嘅，cut一半都會照留。」明顯對亞視沒信心。集鋒更揚言對警察和美國僱傭兵的職業很感興趣，坦言當僱傭兵雖危險，但薪酬吸引夠養家。