春卷爆蜜運 新歡陪過聖誕
藝人李思捷前女友王宝宝（春卷）日前提早慶祝聖誕，她宣布已覓得新戀情，與圈外男友拍拖數月，大讚對方夠真，且性格與自己相似，今年兩人會拍拖到外地過一個甜蜜又浪漫的聖誕，而思捷亦大方送上祝福。
春卷日前到香港迪士尼提早慶祝聖誕節，她大買甜蜜蜜的朱古力當聖誕禮物，又品嘗聖誕大餐及看聖誕樹亮燈儀式，全程表現雀躍，興奮大叫。
圈外人做生意
心情大好的春卷原來正在蜜運中，她自爆有新戀情，她說：「同佢拍咗拖幾個月，佢係圈外人，叫Norris喺澳門做生意，所以比較低調。」她透露兩人由朋友介紹認識，問到對方哪方面最吸引她？她甜絲絲說：「我鍾意佢個人好真，佢同我性格好似，就好似男版嘅我，所以我哋好明白對方。（佢會唔會唔鍾意你做娛樂圈？）佢都OK，做得我男友就要接受我係咩人。」
二人世界遊加
至於前度李思捷已知悉她拍拖，並大方祝福她，記者指她不必再被誤會為李思捷女友，她笑言：「之前好多人都誤會我仲係同佢拍拖，依家大家都知道原來係錯。」春卷又謂與男友度首個聖誕，已準備好禮物給對方，但就要保持神秘，問到如何慶祝，她說：「以往都喺工作中度過，今年終於可以去旅行玩，可能會同男友二人世界去加拿大，或者同男友及一大班朋友去日本，仲未定。」
另外，工作方面，春卷表示除了專注模特兒工作外，之前為幾部電影試鏡，而早前她為有線拍攝《怪談．落你降頭》，播出後反應很好，希望有機會拍攝新一輯。
文：名人組