黃集鋒籌旗葬爺爺 趙碩之義借10萬
藝人周秀娜、何浩文、趙碩之和黃集鋒前晚出席電影《撒嬌女人最好命》首映禮，曾國祥與女友王敏奕前後腳到場。對於亞視再次拖糧，員工黃集鋒指經濟狀況未見明朗，他說：「下星期五（26日）要回內地搞爺爺的身後事，一共40萬依家得20萬左右，爺爺對我教育深遠，我想搞得好啲！（問公司借？）仲有得借咩？若真係冇法子籌錢，會向親戚周轉。」身旁的趙碩之聞言即謂願意借錢給他，並有意請他擔任健身教練。
事後記者致電趙碩之，她表示最多可以借十萬給對方：「佢都係想搞好爺爺身後事，係出於孝順。」昨日，黃集鋒在微博透露去了「見工」，他在電話中說：「月尾合約就完，仲考慮緊續約問題。今日去見一份健身教練，未知請唔請，但想收入穩定所以見定先。」
何浩文脫衣求飯盒
而娜姐有意搞聖誕內衣派對想邀何浩文做脫衣舞男，首映禮上何浩文說：「冇錢都制！要飯盒就得啦！」在旁的娜姐表示請他做脫衣舞男其實是想送聖誕禮物給他：「嗰個係內衣派對，你有視覺享受，又有飯盒食。」何浩文笑言希望派對有神級魯芬BB到場。另外，早前娜姐的司機捲入糾紛被人踢凹座駕，娜姐指司機已無大礙：「嗰陣我唔喺車，如果我喺車度，我一落車佢哋就暈低啦！」至於同場的電影《第七謊言》導演孔令政表示新劇本仍以黑色犯罪為題材。
文：影視組