吳若希怨做獨女 冇仔浪漫

吳若希、許廷鏗、梁烈唯（唯唯）及林欣彤（Mag）等昨日於荃灣為無綫節目《這個聖誕不太冷》宣傳造勢。期間若希無奈大爆將度過孤獨而冷清的聖誕，因過往的緋聞已嚇跑所有異性：「我冇人約，會孤獨過聖誕。因為之前的緋聞已經嚇怕啲男仔！（努力搵男友？）順其自然啦！」

日本外景失望

她又呻今次於節目中與許廷鏗、胡鴻鈞等到訪日本，過程卻毫不浪漫！她說：「我第一次見到雪同馴鹿，理應好浪漫，但再望到身邊的男士就好失望同傷心！」她不諱言自爆夢想與真命天子於雪地相擁取暖：「我一直幻想同男友睇雪景，佢仲會好sweet咁攬住我！」至於Mag則透露聖誕多人約：「朋友都有搞派對，最想帶埋寵物去！」而許廷鏗自爆在節目中被拍「凍到流鼻水」的近鏡，他對此自嘲拋低了偶像包袱。據知他於節目中更會披上校服，化身「小學雞」走音獻唱。

吳若希幻想能同男友睇雪景，可惜未能如願。

眾人穿上厚厚的服裝，鬥擺型格甫士。

唯唯恨湊BB

同場的唯唯則由內地登台後火速趕至現場，他直言為了打好「湊B」的經濟基礎而密密北上掘金。渴望生育的他又自爆與太太婚後一直「不設防」。談到他為該節目夥拍王梓軒等到訪紐約，唯唯大爆拍攝期間眾人high爆爬上bar枱又唱又跳。其後貪玩的他更一度拿起胡鴻鈞的「馴鹿頭飾」放於下體，大玩不文，場面搞笑！

文：影視組