Yumi被搣大髀非禮 下次唔啞忍!

o靚模尹蓁晞（Yumi）、性感女星王璐瑤（LuLu）、仙樂都（YoYo）、黃榕及「中國小姐」趙哲妤等前晚出席夜場活動，當中Yumi和LuLu均以比堅尼示人，但Yumi谷胸上陣搶晒鏡。對於被舊愛陳偉成（Avis）指比以前肥胖，她說：「可能佢以為我冇去健身中心減肥，但其實有美容公司幫緊我。（分咗手仲寸你肥好小家？）男人嚟講都係，正常人唔會咁講。（分手係正確決定？）咁都有開心過嘅。」

將參加單身派對

繼而Yumi自爆日前在旺角被非禮：「有個男人好大力咁揸我大髀，我有話『喂！做咩！』佢個friend就話佢飲醉，我都聞到好大陣酒味。之前都試過兩三次，下次會報警。（着得好性感？）唔係，黑色絲襪。（今晚咁性感驚唔驚再畀人摸？）呢度有好多人保護我。」問到酬勞是否很高？她說：「OK o架。（依家靠自己搵錢？）一向都係，唔靠男人。（以後要帶眼識人？）一向都會，但會了解清楚先拍拖。（之前太衝動？）係，識男仔會小心啲。」她又謂聖誕將參加單身派對慶祝。

LuLu演十四巴港女

仙樂都早前指拍微電影時遭黃集鋒鹹豬咀，對於黃集鋒自爆戶口剩$7.9，她笑說：「我知，有朋友同我講。（打救佢？）歪啲音就可以！之前合作唔係幾開心，呢頭講完做番friend，轉頭喺網上寫我，男人老狗咁樣。（覺得小器？）係o架，之前亞視宣傳部微電影，同演員、監製食飯時，又話我唔專業。（監製點講？）佢話佢飲多咗亂噏，叫我唔使理。」

同場的LuLu談到早前她與AD2成員Amy被指在菲律賓進行不道德交易，令她接不到當時正洽談的電影，她表示已向電影公司澄清，並將在該片飾演「十四巴港女」。

文：名人組