佘詩曼富婆求愛

佘詩曼

呻冇時間拍拖

事隔八年再獲視后，相信對阿佘來說，現時人生的確很完美，問到下一步是否想嫁？阿佘哈哈笑謂：「對普通人嚟講，完美人生係事業美滿，又有埋另一半就得，但呢樣嘢係咪可以強求？其實好多嘢都身不由己，呢刻可以話係事業高峰期，點會冇嘢做，忙到咁邊有時間去發展感情，起碼要過一排先得，但到嗰時呢個人又未必出現，所以要搵完美另一半唔容易。」

閨蜜私房驚喜

談到近期威水史，阿佘也笑不攏嘴，透露當晚頒獎禮過後，驚喜一浪接一浪，她謂：「平時一返屋企就會入房落妝，所以10個圈外好姊妹就匿埋喺房度，點知我因為着咗成日高踭鞋好痛，返到去隻腳抽筋抽咗5分鐘，又喺廳搞一大輪先返房，佢哋等咗好耐，我一入房真係畀佢哋嚇親，好驚嚇，之後就成班人食媽咪煮嘅大餐。」

五料視后佘詩曼早已名利雙收。

佘詩曼與鄭嘉穎的一段情至今仍常被重提。

阿佘更指有了8年前的經驗，今次攞獎未如上一次般激動，惟宣布一刻也會有點緊張。問到現時揀戲會否更有要求？阿佘謂：「希望可以揀到部劇可以承接住《使》劇，令大家有新鮮感。」

佘詩曼靠《使徒行者》的釘姐，橫掃電視圈獎項。	佘詩曼的圈中好姊妹亦為她送上驚喜。	佘詩曼希望下一套劇能承接氣勢。