藝人馬德鐘昨日出席有關性教育的活動，稱有跟兒子進行性教育，由於年代開放，所以不會尷尬，問到兒子對性會否有疑惑？他笑言：「佢今年16歲，已經過咗呢個階段，學校好早有性教育，12歲就教，因為依家嘅小朋友早熟。（囝囝有冇拍拖？）冇。（佢有冇遺傳你嘅男神基因？）我唔知，但聽其他家長講過囝囝係風頭躉，畀好多人圍。」
另外，馬德鐘在無綫頒獎禮中共有四項提名，他稱有信心，但要有好多因素配合，問到最大對手？他說：「人哋話郭晉安係大熱門，咁多人講實有原因，佢嘅演技非常好。」
