阿曼達窮到瞓商場
日日見報的荷里活麻煩女星阿曼達拜恩絲（Amanda Bynes），早前傳每日只得約360-780港元生活費，因無法租屋住而向朋友借宿。不過她周四早上就被拍到於洛杉磯商場正中央瞓沙發，即傳被朋友趕離家。她後來火爆留言澄清：「我冇錢住酒店，所以瞓朋友屋企，前一晚唔夠瞓先至於沙發恰着咋嘛！」繼而又再鬧爆父母唔畀錢住酒店，更不值得有自己的監護權與財產，明言一定會爭身家！
不過有指其父母已經對她冇晒符，打算於日內放棄愛女的監護權並移居德州，由心理醫生照顧阿曼達的日常生活！此外，阿曼達又被爆想向朋友借錢飛返紐約，另傳她希望做酒保幫補生計，將來過正常生活。