婷婷約王菲聖誕食飯
謝婷婷前晚出席品牌活動，提到父親謝賢代澄清結婚傳聞，她直言與男友Sean已有共識，想生BB就會考慮結婚，自己亦不心急。她又謂冇催哥哥霆鋒結婚，亦不知霆鋒做了上市公司老闆。問到她是否簽給霆鋒？她說：「佢簽人？問吓先，如果佢做我老闆一定對我最嚴，考慮吓先啦，因為會畀佢恰到傻。（係咪對哥哥就會獅子開大口？）變咗老鼠口，冇say。」
問到婷婷會否想有新阿嫂？她說：「睇哥哥，戥佢開心，佢係好抵錫嘅男人，任何人做佢女朋友都好幸福，細個見佢喺加拿大拍拖都好sweet。（有冇同王菲食飯？）未，但好想，好耐冇見哥哥，我都想聖誕節約埋一齊食餐飯。」此外，前晚同場的還有馬詩慧與女兒王曼喜、台灣男星王陽明等。
