陳君宜人工受孕佗B 5個月

Qinnie熱愛滑雪、潛水和賽車，自懷孕後所有興趣即告停止，現時唯一的活動便是購買BB用品，她說BB用品店永遠行不完，前日其夫婿便陪伴她到樓上舖揀BB車和BB床，穿着貼身連身裙配外套的Qinnie，腹部明顯凸起，她透露已重了二十磅。

陪濕平恩愛摸肚

Qinnie與夫婿在店內逗留逾半個小時，鄭躬明擔心太太疲倦，要她坐下休息，又不時摸着太太的肚皮，恩愛滿瀉。Qinnie說：「不嬲鍾意玩，冇諗過會生小朋友，可能人大咗，同老公商量，今年初先有呢個計劃，做咗兩次人工受孕就中咗，好幸運，以前對BB冇乜感覺，但原來有咗係咁開心。」她又透露預產期在明年三月。

陳君宜行到攰，坐低休息，鄭躬明體貼地摸吓腹中BB。

陳君宜與老公到餐廳歎茶歇腳。

感受做男人壓力

她說自懷孕後，家中兩隻愛犬亦相繼懷孕，由於狗的懷孕周期較短，較她先做媽咪，並各自誕下3隻狗仔，原本家中只有4隻貴婦狗，突然變成10隻狗，令全屋好不熱鬧，可謂甚好意頭，他們兩公婆還充當接生，大讚生命奇妙。

問鄭躬明如何獎勵太太？他笑說：「獎佢生多個。」他說太太懷孕後，自己感受到做男人的壓力，除多抽時間陪太太外，還做了太太的阿四，斟茶遞水兼跑腿，更笑言：「真係要請兩個陪月至得，一個畀太太，一個畀我。」

文：名人組