陳敏之尋幽探性 孖張兆輝爆房
藝人張兆輝與陳敏之月底將拍攝一部以性為題材的踩界爆趣喜劇，監製文偉鴻指劇中會出現一個不一樣的張兆輝，而飾演性治療師的敏之則表示要找專人問「性疑難」。
陳敏之、張兆輝（輝仔）、阮兆祥、許紹雄、陳嘉佳（小寶）等月尾將會參拍一套以性為題材包裝的趣劇，據知內容踩界，簡直挑戰電檢尺度！敏之飾演一位性治療師，劇中的老公輝仔是性社工，兩人經常去「爆房」，鬧出不少笑話。許紹雄則娶了來自內地的嫩妻小寶，她經常度出不少情趣來挑起老公的性慾。
囡囡教「性教育」
監製文偉鴻接受訪問時大爆今次輝仔會有一大突破：「總之佢喺老婆敏之眼中，係提供快樂的泉源，大家都未見過咁樣嘅張兆輝。」輝仔談及為何會接拍此破格角色時說：「其實今次喺香港劇集上，是一大突破，依家其他地區嘅劇集都好開放，香港劇集都應接納多啲題材。（你有一對仔女，拍呢啲會否感尷尬？）個女五年級，學緊性教育，佢都有問我同太太呢啲問題，係佢教番我哋轉頭，令我覺得呢樣嘢唔係咁難開口。」與敏之有不少大膽親熱戲的輝仔還說：「自己唔怕拍武打，最怕拍親熱戲，不過電視尺度都唔擔心嘅，最多咪蓋埋披用對白交代！」
敏之則坦言要找專業性治療師去揣摩角色：「我都想了解吓平時啲病人喺性方面究竟遇到乜嘢問題，有乜嘢性方面嘅疑難。（你有冇疑難？）我冇！我好正常。（會否性感演出？）唔會嘞。（有挑逗張兆輝場口？）唔係挑逗，行房嗰啲囉！依家觀眾接受能力都好高。」
文：影視組