李心潔得道放下 修復彭順
影后李心潔與導演老公彭順的婚姻，月前遭小三介入，心潔與老公發表聯合聲明，攜手面對難關，展示出豁達大度的智慧！心潔對感情拎得起放得低，背後倚仗的原來是禪修六年的修為。
李心潔月前經歷小三李悅彤之介入婚姻，令她與彭順的婚姻陷入危機，但心潔既原諒了老公，又寛恕傷害自己的人，對感情拎得起放得低，展現出過人的智慧，她以戲喻人生說：「做戲要識離開角色，人生都一樣，要識得放下。六年前我開始去禪修同睇佛教書，佛教嘅愛同智慧，令我變得平靜，生命有起有落、有順有逆，只要將挫折視為學習機會，就會珍惜每個際遇，一切都已經好好，正如我由細到大，都好幸福，要做嘅我都做到。」
心胸闊不會受傷害
心潔雖知足常樂，她又如何應對外界的不知足呢？她說：「我對感情唔係話執唔執着，係我唔想自己對愛嘅表達咁狹窄，我想用心去愛眾生、去包容。（被愛嘅人傷害係咪最傷？）係咪傷害、傷害係深係淺？好睇自己，覺得傷係因為有所求，但好愛一個人係應該冇所求，冇所求就唔會有受傷嘅感覺，心胸闊就唔會覺得係傷害。（彭順都認為你心胸廣闊？）哈哈，我唔知，要問番佢！但我係比較快搵到出口嘅人，會用智慧去試圖明白成件事。」
「我覺得所有喺我身邊出現嘅人，都係我嘅菩薩，係嚟幫我修行，令我變成好好嘅人，佢哋嚟考驗我，係畀機會我做功課。」心潔繼續說：「兩個人喺埋一齊總會經歷挫折，但喺得埋一齊，就要用愛去成長，互相扶持，同甘共苦！」
攝影：吳文聰
化妝：Yannes Lee @ ND&Co.
造型：Domanic Tao （Pi4.hk） assisted by Sonn Lam （Pi4.hk）
場地：Gateway Hotel （港威酒店）
文：影視組