Alan＠Mr.傾囊娶妻 升呢10億駙馬
樂隊Mr.的主音布志綸（Alan）跟坐擁10億身家的陳明耀千金陳雪瑩（Sally）正式拉埋天窗，早上先到教堂行禮，Sally以一雙平底鞋亮相惹來有喜疑雲。晚上豪花百萬假四季酒店筵開32席婚宴，Alan坦言為娶老婆花盡積蓄，認真大手筆。
Alan跟家族經營玩具生意，坐擁10億身家的陳明耀千金Sally相戀四年，終於抱得美人歸。昨早在薄扶林道伯大尼教堂舉行婚禮，一對新人約10時35分乘坐白色開篷勞斯萊斯到達教堂，手上戴有三對龍鳳鈪、穿中式裙褂和平底鞋的Sally，孕味甚濃，全程由全白西裝打扮的老公扶着慢慢步入教堂，其後擔任兄弟團的Mr.其他成員及親友陸續到場。
歐洲蜜月兩周
婚禮完成後，Alan與換上純白色碎花樽領婚紗的太太步出教堂與賓客拍照，及後Alan與Mr.其他成員一同接受訪問，問到新郎在過程中有否感動流淚？Alan坦言很緊張，有想哭的衝動，身旁的Dash揶揄說：「見到佢眼泛淚光，諗住同佢自拍啦，點知佢木無表情。」談到蜜月地點，Alan說：「我會放兩星期假，唔係好似雜誌咁講放兩個月，諗住去歐洲，其他成員都會有假，佢哋就去五大洋七大洲攞靈感。」
談到接新娘環節，Alan表示：「要食用啫喱包住嘅鹹竹蜂，同埋飲酸辣汁。」他又笑言最重要是姊妹們不要整亂他們的髮型。Alan又挑選了兩首張學友的歌給太太作愛的宣言：「雖然學友今日嚟唔到，但都有send message祝福我，仲畀咗好多意見，都好多謝佢，同埋好多謝其他歌手嘅祝福。」問到會否盡快生育？他稱一切隨緣，但Tom卻插嘴說：「快喇快喇！」
「儲咗好多年錢」
晚上一對新人假中環四季酒店設宴筵開32席，在婚宴開始前兩人先穿上禮服及婚紗見傳媒，並應要求兩度在記者面前「咀嘴」兼大騷鑽石婚戒。新娘子Sally明顯不習慣面對鏡頭，拍照完畢即快快返回場內，未有陪老公受訪。問Alan今次婚宴的使費是否過百萬？他說：「差唔多啦！我儲咗好多年錢o架啦！」擔任兄弟的隊友們亦幫口道：「佢好慳家o架，你睇佢揸咁多年都係嗰架車就知。」至於太太婚戒的鑽石卡數？他說：「唔好咁現實啦，太太好怕醜，始終係圈外人。」
問到太太早上行禮穿平底鞋兼要他全程「傍實」，是否「雙喜臨門」？Alan說：「我見到報道有寫，其實只係佢唔慣着高踭鞋。」連早上曾口快快說新人快有喜的隊友Tom亦維護：「我話快啫，我夠話自己好快有第二個啦！」Alan又表示：「總之暫時未有住，等吓啦，隨緣！」他又透露準備跳舞環節和太太表演，亦邀得樂隊演出，他說：「班兄弟就唔好唱啦，我唔想佢哋冇得飲，唔好太大壓力，而且仲要幫我頂酒。」
文：音樂組