鄧宣宏雁 競投人形公仔

太子珠寶副主席兼執行董事鄧宣宏雁（Emily）昨日出席時裝品牌舉辦的名人巨星手製人形公仔慈善拍賣活動，她表示專誠來支持朋友：「因為善款會捐畀乳癌基金，係件好有意義嘅事，（有冇暗投邊個公仔？）有投到徐子淇個公仔，因為我好鍾意佢，佢做好多善事，希望會投到啦，（投咗幾錢？）唔透露得，都未知投唔投到。」問到有否關注乳癌問題？她表示自己年屆40，絕對需要關注此問題：「我除咗沖涼嗰陣自己檢查外，每年都一定會去做詳細嘅body check。」