蘇永康婚禮預算冇上限

準新郎蘇永康前晚與草蜢、任達華及太太琦琦、馬詩慧、陳嘉容等出席活動，蘇永康被問到婚禮籌備進度如何？他說：「冇乜點籌備過，我老婆搞晒，我2006年3月23日識佢，今日先結婚，仲計錢唔啱數。老婆家族比較大，咁多年想畀個好嘅婚禮佢，一定要做到皆大歡喜，個個開心，唔應該喺Budget上有上限，afford到就得，買少轉衫喺番度。嗰日自己一套衫都唔會換，我呢世人仲換唔夠？兄弟衫同姊妹衫都係畀個色tone佢哋，兄弟係黑白銀，姊妹就白色。（老婆有冇投訴你唔幫手？）老婆唔投訴，佢開心到不得之了，佢係個能幹嘅人。」