林保怡父病逝 撲返港辦後事
藝人林保怡丁父憂，接獲噩耗的他第一時間由上海趕返香港處理。雖然未能趕及見老父最後一面，但保怡月來衣不解帶推掉不少工作，服侍及陪伴對方走過人生最後一段路。對於被讚孝順，保怡淡然謂：「呢啲係為人子女應該做嘅，唔值得炫耀。」
原來保怡爸爸近月因嚴重肝硬化令身體變差，上月初入院接受治療時，醫生已着家人要有心理準備。保怡有見及此，即推掉手頭上工作，與弟弟輪流24小時陪伴老父。遇上某些推無可推的海外公事，保怡則選擇盡量縮短行程。據悉，保怡早前為改善爸爸及家人的生活，更曾安排搬家，侍父至孝的他可謂無話可說。
上海出差收噩耗
可惜昨日凌晨四時許，身處上海的保怡接獲長途電話得知爸爸已離世。心情備受打擊的他，第一時間安排返港處理後事。昨晚約七時，歸心似箭的保怡終飛抵香港，面對在場接機的記者雖心情沉重，仍有禮表示多謝關心，且坦言：「趕返嚟處理啲唔想處理嘅事。太突然嘞……依家我都未知去邊，等緊安排。」此時其手提電話響起，保怡即告訴對方：「班機delay咗兩粒鐘呀。」然後急步往停車場離開。
無悔推job伴同行
保怡其後接受電話訪問時，表示：「其實昨晚（前晚）失眠，好似心知不妙咁。我最希望佢唔好太辛苦，結果佢係喺昏迷狀態下離世嘅。能夠陪伴佢走最後一段日子，亦總算無憾。返到嚟香港，我會先去醫院見佢『最後一面』囉。」由於保怡有份參演的新片《太平輪》稍後將展開鋪天蓋地式宣傳，相信處理好父親身後事後，保怡要盡快收拾心情投入工作。
文：影視組