Rosemary影婚照做異地新娘
名模Rosemary明年結婚，待嫁新娘的她昨日低胸上陣出席活動時難掩興奮，透露今個聖誕及新年都忙個不停要出埠到新加坡、曼谷、布吉等地影婚紗相，性感之餘，婚紗相還會有印度及法國味道，要幾sweet有幾sweet。
Rosemary及Ana R.昨日出席apm舉行的「Snoopy《花生漫畫》65周年夢幻聖誕」活動，Rosemary穿上低胸連身裙出現，「峰」頭即時蓋過密實的Ana R.。
印度法國服飾
打扮如此性之感，Rosemary承認是裙子緊身：「今（昨）日先知咋，冇畀Jason（男友）過目。（之後出活動嘅衣着要問准Jason？）佢冇要求，間唔中會畀意見。（係咪去菲律賓慶祝11月拍拖五周年之前先來個大解放？）係呀，12月會去新加坡、曼谷、布吉等地影婚紗相，聖誕節就會去曼谷同Jason睇電子音樂會。（婚紗相會性感？）有啲性感，唔會刻意着婚紗，但會有印度同法國味嘅服飾，會有sweet嘅感覺。」又說婚後會繼續工作。
Ana R.造混血B
同場的Ana R.穿上密實的連身裙，明顯被比下去，提到不敵Rosemary 的低胸，Ana說：「衣着唔緊要，呢個係聖誕節活動，性唔性感要睇場合、睇性格，性感都睇人，時裝唔一定要性感，件衫係客戶揀嘅，有時model係冇得選擇。」聖誕節一家人將去韓國，順道慶祝媽媽生日，Ana笑言可順道製造擁有韓國、西班牙、英國血統的混血BB。
文：名人組