王宗堯裸戰Ashina喪嗌老尷

藝人王宗堯、張建聲和郭奕芯（Ashina）昨日為電影《壹獄壹世界》進行拍攝，王宗堯和Ashina演出床上戲。王宗堯在床上先以浴袍蔽體與Ashina試位，正式拍攝時他才將浴袍脫掉，只剩肉色打底褲赤裸上身。導演一聲令下兩人即投入忘我境界，在床上扭作一團，十分惹火，表現合拍一take過順利完成。

做足安全措施

雖然Ashina首次拍攝床戲，但其表現相當投入，七情上面。王宗堯同樣投入叫到聲嘶力竭，他表示：「咁激都真係第一次，拍攝時其實都有啲尷尬，但我都有做安全措施，還可以。（生理反應？）其實冇嘅，因為我下身包晒膠紙，又投入咗喺部戲入面。大家着住衫排戲時有傾點拍。」他笑言戲中除衫戲較多，可以說是無衫着。今次有機會與五、六個女演員有激情戲，笑言已沒有特別要求：「可能公司補償番畀我，之前都冇我份啩。」

Ashina拋胸上陣，獻出處女床戲。	王宗堯肉搏Ashina，七情上面交足戲。	王宗堯赤裸上身與Ashina拍床上戲。

初邂逅拍床戲

首次演出床戲的Ashina表示當時心情緊張和尷尬，她說：「算係一次經驗，剛接觸電影兼第一日拍就係床戲，始終係有難度，不過相信克服到今次，之後會比較容易投入。（有身體接觸？）佢有打底措施，但都會有身體接觸，拍床戲又冇理由大家冇接觸啩。（底線？）三點不露，今次算係好性感o架嘞。」

另外，對於曾傳緋聞的前亞視高層盛品儒有傳明年結婚，Ashina說：「唔知，冇留意。恭喜佢，不過其他人嘅事唔關注咁多嘞，大家都冇聯絡o架。我依家單身都係注重事業發展，其他人嘅事冇心機去理。（請你會去飲？）呢樣嘢，都係唔想再講嘞。」

文：影視組