唐紫睿梁敏儀寸Candy獨家村
戲中另外兩位女角梁敏儀和唐紫睿（Hazel）同樣與袁嘉敏（Candy）不咬弦，二人講到她時句句寸爆，其中梁敏儀說：「我只係同Candy合作過《賭城風雲》，（知佢影海報件事而犯眾憎？）我知佢嗰日係好趕，要早走，（你哋冇交流？）暫時冇同場，但拍戲啫，開工係team work，係咪女主角唔重要，最重要係有禮貌，好似茶水、服裝阿姐都係打份工，冇分你我，要和平相處！」
而Hazel則指Candy宣傳時都可以露半邊胸博搶鏡，自愧不如：「我同佢冇講嘢o架！（你哋冇溝通？）呢個係佢性格，亦係佢一貫作風，佢唔想同人接觸，係獨家村！（擔心被搶風頭？）我對自己有信心，唔使好似佢咁宣傳都露半胸，我做唔到！」
